Merkezi Aziýanyň we Günorta Kawkazyň sekiz döwleti özara hyzmatdaşlygy berkitmek maksady bilen täze bileleşik döretdiler. Bu düzüme Türkmenistan, Gazagystan, Gyrgyzystan, Täjigistan, Özbegistan, Ermenistan, Gruziýa we Kawkaz sebitiniň beýleki wekilleri girdi. Täze gurama sebitara maýa goýum syýasatyny utgaşdyrmaga hem-de iri serhetüsti taslamalary bilelikde ösdürmäge ýardam eder. Bu barada Daşkent halkara maýa goýum forumynyň çäklerinde geçirilen panel sessiýasynyň netijeleri boýunça habar berildi.

Hünärmenleriň bellemegine görä, sebit derejesindäki maýa goýum mümkinçilikleri häzirki wagtda örän uly ähmiýete eýe bolup durýar. Şonuň üçin hem bileleşigiň döredilmegi ykdysady gatnaşyklary täze şepagatha çykarmaga şert döreder. Bu möhüm taslama Aziýa ösüş bankynyň hem-de Ýewropanyň täzeleniş we ösüş bankynyň goldamagynda durmuşa geçirilýär. Düzümiň hemişelik işleýän sekretariatynyň bolsa Özbegistanda ýerleşdirilmegi göz öňünde tutulýar.

Täze gurama sebitiň ýurtlaryna daşary ýurt maýalaryny has işjeň çekmäge we ykdysady durnuklylygy üpjün etmäge giň mümkinçilikleri açar.