Türkmenistanyň Döwlet haryt-çig mal biržasynda geçirilen nobatdaky söwdalarda daşary ýurtly we ýerli telekeçiler bilen jemi 3 geleşik hasaba alyndy. Şunlukda, amala aşyrylan şertnamalaryň umumy bahasy 3 042 990,00 ABŞ dollaryna hem-de 885 000,00 türkmen manadyna deň boldy. Şeýlelikde, 26-njy iýunda bolup geçen bu söwdalaşyklar haryt dolanyşygynyň gerimini ýene-de giňeltdi.

Daşarky bazar ugrundaky söwdalarda Birleşen Arap Emirlikleriniň işewürleri aýratyn işjeňlik görkezdiler. Olar «Türkmennebit» döwlet konserni tarapyndan öndürilen suwuklandyrylan gazy satyn almak baradaky geleşige gol çekdiler. Mundan başga-da, daşary ýurtly hyzmatdaşlaryň hatarynda Şweýsariýanyň wekilleri hem boldy. Şweýsariýaly telekeçiler ýerli öndürijilerden pagta süýümini satyn aldylar.

Içerki bazarda hem harytlara bolan isleg ýokary derejede saklandy. Ýurdumyzyň hususy pudagynyň wekilleri Dokma senagaty ministrligine degişli kärhanalarda öndürilen «Kreton» görnüşli nah matany satyn almak barada özara bähbitli şertnamalary baglaşdylar.